Construction of Hostel on Jaipur Cemetery Site: جے پور قبرستان کی جگہ پر اقلیتی ہوسٹل کے تعمیر کی مخالفت

راجستھان مسلم فورم کے عہدیداران کا کہنا ہے کہ جس طرح سے قبرستان کی زمین پر اقلیتی ہوسٹل Hostel on The Site of Jaipur Cemetery کی تعمیر کروائی جا رہی ہے وہ غلط بات ہے۔ ہم لوگ قبرستان کی زمین پر کسی طرح سے کوئی بھی ہوسٹل کا تعمیر نہیں ہونے دیں گے۔ راجستھان حکومت سے یہ مطالبہ کرتے ہیں کہ اس طرف توجہ دے اور یہاں پر ہوسٹل کے تعمیری کام نہ کروائے۔ دوسری زمین نشان زد کر کے اقلیتی ہوسٹل کی تعمیر کروائے۔

ریاست راجستھان کے دارالحکومت جے پور کے موتی ڈوگی روڈ علاقے میں واقع درگاہ میں قبرستان کی جگہ پر راجستھان حکومت کی جانب سے 794 لاکھ کی لاگت سے تعمیر کروائے جا رہے اقلیتی بائز ہاسٹل کی مخالفت کی جارہی ہے۔

اس ہوسٹل کی تعمیر کی مخالفت میں راجستھان کی تمام مسلم تنظیمیں سڑکوں پر اتر چکی ہے۔ راجستھان حکومت کو دھمکی دی گئی ہے کہ اگر یہاں پر کسی طرح سے کوئی بھی تعمیر کروائی گئی تو انجام بھگتنے کے لیے تیار رہیں۔

گذشتہ اتوار کے روز راجستھان کے وزیراعلی اشوک گہلوت کی جانب سے اس ہوسٹل کے تعمیراتی کام کا افتتاح کیا گیا تھا۔ افتتاح کے ساتھ ہی مسلم تنظیمیں اس ہوسٹل کی مخالفت میں اتر آئیں۔

راجستھان مسلم فورم کے عہدیداران کا کہنا ہے کہ جس طرح سے قبرستان کی زمین پر اقلیتی ہوسٹل کی تعمیر کروائی جا رہی ہے وہ غلط بات ہے۔ ہم لوگ قبرستان کی زمین پر کسی طرح سے کوئی بھی ہوسٹل کا تعمیری کام نہیں ہونے دیں گے۔

انہوں نے راجستھان حکومت سے مطالبہ کیا کہ وہ اس طرف توجہ دے اور یہاں پر ہوسٹل کے تعمیراتی کام نہ کروائے۔ دوسری زمین دے اور اس کے بعد اقلیتی ہوسٹل کا تعمیری کام کروایا جائے۔ اگر ہمارے مطالبے کی جانب راجستھان حکومت توجہ نہیں دیتی ہے تو انجام اچھا نہیں ہوگا۔