کچھ ہی وقت میں جے پور پہنچیگی میجر کی نعش

پیر کے روز جموں و کشمیر کے کپواڑہ میں میجر فیض اللہ خان کی مشتبہ حالت میں موت ہو گئی تھی، میجر فیض اللہ راجستھان کے دارالحکومت جے پور کے گھاٹ گیٹ علاقہ کے وسی منزل کے رہنے والے تھے۔ میجر فیض اللہ خان کی نعش دو روز بعد دیر شب دارالحکومت جے پور پہنچنے والی ہے۔

بھارتی ریاست راجستھان کے دارالحکومت جے پور کے گھاٹ گیٹ علاقہ سے تعلق رکھنے والے میجر فیض اللہ خان کی نعش کچھ ہی وقت میں جے پور کے گھاٹ گیٹ قبرستان پہنچے گی۔ اہل خانہ کے مطابق ان کو کورونا وائرس سے متاثر بتایا گیا ہے، اس لیے ان کی نعش کو ان کی رہائش گاہ پر لے جانے کے بجائے سیدھے قبرستان میں سپرد خاک کر دیا جائے گا۔

وہیں دہلی سے جے پور کا راستہ خراب ہونے کی وجہ سے ان کی نعش کو دوسرے راستے سے دارالحکومت جے پور کے قبرستان لایا جا رہا ہے۔ قبرستان کے باہر اہل خانہ موجود ہیں اور میجر کی نعش کا انتظار کر رہے ہیں۔

اہل خانہ موجود

میجر فیض اللہ کے نعش کے آنے کی خبر سنتے ہی رکن اسمبلی رفیق خان بھی موقع پر پہنچے اور اہل خانہ کے سامنے اپنے غم کا اظہار کیا۔