کنگنا کا بیان مجاہدین آزادی کی توہین کے مترادف: اسدالدین اویسی

اداکارہ گنگنا رناوت کی جانب سے آزادی سے متعلق دیئے گئے بیان پر آل انڈیا مجلس اتحاد المسلمین کے صدر بیرسٹر اسدالدین اویسی نے سخت تنقید کی۔ حیدرآباد روانہ ہونے سے قبل جے پور ایئرپورٹ پر اسدالدین اویسی نے میڈیا کے نمائندوں سے بات کی۔

کنگنا رناوت کے متنازعہ بیان پر اسدالدین اویسی نے سخت تنقید کرتے ہوئے بتایا کہ ’ہم نے ت و یہ سنا تھا کہ ہمیں آزادی 15 اگست 1947 کو ملی تھی اور اس وقت پنڈت جواہر لال نہرو وزیراعظم تھے تاہم ہر سال 15 اگست کو ہی یوم آزادی منایا جاتا ہے‘۔ انہوں نے کہا کہ کچھ لوگوں کے بیانات سے مجاہدین آزادی کو تکلیف پہنچتی ہے۔

انہوں نے کہا کہ ملک کا آئین اس بات کی اجازت دیتا ہے کہ ہم جنگ آزادی کی جدوجہد میں شامل افراد کا احترام کریں۔ انہوں نے کہا کہ جن لوگوں نے جنگ آزادی میں شہید ہوئے ان کی قربانیوں کو کبھی بھی فراموش نہیں کیا جاسکتا ہے۔ اسدالدین اویسی نے گنگنا کے بیان کی سخت الفاظ میں مذمت کی۔ انہوں نے کہا کہ اس طرح کے بیانات سے جنگ آزادی کے مجاہدین کی بیحرمتی ہوتی ہے۔

واضح رہے کہ اے آئی ایم آئی ایم کے صدر اسدالدین اویسی نے راجستھان کے دارالحکومت جے پور کا دورے کیا۔ اس موقع پر انہوں نے کچھ مسلم تنظیموں کے ذمہ داروں اور دیگر افراد سے ملاقات کی۔ راجستھان میں اسمبلی انتخابات 2023 میں منعقد ہوں گے۔ قبل ازیں مجلس نے اسمبلی انتخابات میں اپنے امیدواروں کو اتارنے کا اعلان کیا تھا۔