ایک طرف کچھ فرقہ پرست طاقتیں ملک میں ہندو مسلم کے درمیان اختلافات پیدا کر کے انہیں لڑانے کی کوشش کر رہی ہیں تو وہیں دوسری جانب جے پور میں مسلمانوں نے کانوڑ یاتریوں کا پھولوں سے استقبال کرکے فرقہ ورانہ ہم آہنگی کی مثال پیش کی۔
مسلمانوں نے کانوڑ یوں کا پھولوں سے استقبال کیا دراصل گذشتہ روز جے پور میں ہندو سماج کی جانب سے کانوڑ یاترا نکالا گیا، جب یہ یاترا جے پور کے مسلم علاقہ بھٹہ بستی میں پہنچی تو یہاں پر مسلمانوں نے یاتریوں کا پھولوں سے استقبال کیا، اس دوران یاتریوں نے مسلم برادری کے لوگوں سے گلے مل کر ان کا شکریہ بھی ادا کیا۔ اس موقع پر پپو قریشی اور عبداللطیف سورگر نے کہا کہ ایسے وقت میں اس طرح کا پروگرام منعقد کرنے کا مقصد ان لوگوں کے منہ پر طمانچہ ہے جو آج ہمارے ملک میں نفرت پھیلانے کی کوشش کررہے ہیں۔ ان کا کہنا ہے کہ ہم ایسے لوگوں کو بتانا چاہتے ہیں کی ان کی تعداد بہت ہی ہے کم ہے، جو ملک میں نفرت پھیلانا چاہتے ہیں ،جبکہ ایسے افراد کی تعداد زیادہ ہے جو ملک میں فرقہ ورانہ ہم آہنگی کو برقرار رکھنے پر یقین رکھتی ہے'۔ کانوڑ یاترا میں شامل ایک شخص نے کہا کہ مسلمانوں نے جو کیا وہ قابل تعریف ہے اور اتحاد کا ایک نمونہ ہے'۔
