جے پور: طلبا کو نماز پڑھنے سے روکنے کا معاملہ طول پکڑتا جارہا ہے

وزیراعلیٰ کو لکھے گے خط میں لکھا گیا کہ جس طرح سے نماز پڑھنے سے طلبہ کو روکا گیا ہے، اس سے صاف طور پر نائب پرنسپل آر این شرما کے ذہن کا اندازہ لگایا جاسکتا ہے‘۔

راجستھان کے دارالحکومت جے پور میں واقع راجستھان کالج میں طلبہ کو نماز نہیں پڑھنے دینے کا معاملہ اب طول پکٹتا ہوا نظر آرہا ہے۔ جی ہاں اس بات کا اندازہ اس بات سے لگایا جاسکتا ہے کہ این ایس یو آئی اور اے بی وی پی کے ساتھ ساتھ میں اب دیگر مسلم تنظیمیں بھی میدان میں اترچکی ہیں، باقاعدہ مسلم تنظیموں کی جانب سے پورے معاملے کو لے کر راجستھان کے وزیراعلیٰ اشوک گہلوت کو ایک خط لکھا گیا۔

مسلم تنظیموں کی جانب سے وزیراعلیٰ کو لکھے گے خط میں لکھا گیا کہ جس طرح سے نماز پڑھنے سے طلبہ کو روکا گیا ہے، اس سے صاف طور پر نائب پرنسپل آر این شرما کے ذہن کا اندازہ لگایا جاسکتا ہے‘۔ اس پورے معاملے کو لے کر راجستھان مسلم پریشد کے ریاستی صدر یونس چوپدار نے کہا کہ اس سلسلہ میں وزیراعلیٰ اشوک گہلوت کو خط لکھا گیا ہے، اگر اس معاملے پر کارروائی نہیں کی گئی تو احتجاجی مظاہرہ کیا جائے گا۔

طلبا کو نماز پڑھنے سے روکنے کا معاملہ طول پکڑتا جارہا ہے

واضح رہے کہ گزشتہ روز جمعہ کو ایک ویڈیو سوشل میڈیا پر وائرل ہوا تھا، جس میں طلبہ کو نماز پڑھنے سے روکا جارہا تھا۔ اس معاملہ میں سخت کارروائی کا مطالبہ کیا جارہا ہے۔