معاشرہ کی اصلاح کے لیے مساجد میں میٹنگ کا انعقاد

مسلم نوجوانوں کی اصلاح کے لیے جے پور کی مختلف مساجد میں میٹنگ کا انعقاد کیا گیا۔ اس میٹنگ میں مسلم نوجوانوں کو نشہ کی لت سے دور رکھنے، مسلم لڑکیوں کی تربیت اور مسلم معاشرہ کوایک مثالی معاشرہ کے طورپر تشکیل دینے جیسے امور پر تبادلہ خیال کیا گیا۔

مسلم تیلی پنچایت اور منصوری پنچایت تنظیم راجستھان کی جانب سے راجستھان کے دارالحکومت جے پور کی متعدد مساجد میں ائمہ و دانشوروں کی میٹنگ منعقد کی گئی۔ اس میٹنگ کا انعقاد مسلم تیلی پنچایت اور منصوری پنچایت نام کی تنظیم کے تعاون سے کیا گیا۔

اس اہم میٹنگ میں مسلم معاشرے میں پائی جانے والی خامیوں کو اجاگر کرتے ہوئے اس کے سد باب کے لیے لائحہ عمل طے کیا گیا۔

میٹنگ میں مسلم نوجوانوں کو نشے کی لت سے دور رکھنے، طلاق ثلاثہ اور حصول تعلیم جیسے اہم امور کی طرف ائمہ اور دانشوروں تبادلہ خیال کیا۔

اس میٹنگ میں یہ فیصلہ کیا گیا کہ موجودہ وقت میں طلاق کے معاملوں میں ہو رہے اضافہ کے سد باب کے لیے مساجد میں کمیٹیاں تشکیل دی جائیں گی۔

سید اصغر علی نے بتایا کہ مساجد کے امام علاقے کے لوگوں کے ساتھ رابطے میں رہتے ہیں۔ انہیں معاشرہ کی حالت سے واقفیت ہوتی ہے۔ اسی لیے علاقہ کے متعدد مساجد میں کمیٹیاں تشکیل دی جائیں گی۔