انتخابات کو لے کر این ایس یو آئی اور اے بی وی پی کے امیدوار سرگرم ہوچکے ہیں اور انتخابی مہم چلاتے ہوئے میدان میں نظر آرہے ہیں۔ اس سلسلہ میں امیدواروں کا دعوی ہیکہ وہ ہر وقت یونیورسٹی اور کالج میں تعلیم حاصل کرنے والے طلبا کی خدمت کے لیے تیار رہیں گے اور مسائل کو حل کرنے کا کام کریں گے۔
اے بی وی پی کے امیدوار امیت کا کہنا ہے کہ یونیورسٹی میں ان کا پہلا کام سنڈیکیٹ میٹنگ میں یونیورسٹی کے طلبا کو سنڈیکیٹ کا رکن بنانا ہے۔ امیت کاکہنا ہے کہ اگراس میٹنگ میں انکی آواز بلند نہیں ہوئی تو وہ کچھ بھی نہیں کر سکتے۔
این ایس یو آئی کے امیدوار اتم چودھری کا کہنا ہے کہ آج ہوسٹلس میں رہنے والے طلبا کو معیاری کھانا نہیں ملتا، اس لیے جیتنے کے بعد ان کا پہلا کام صحیح کھانا مہیا کروانا اور دوسرا کام دیہی طلبا کو پانچ فیصد تحفظات فراہم کروانا ہے۔
