راجستھان کے اجمیر میں واقع جواہر لال نہرو میڈیکل کالج میں ایک کورونا کے مشتبہ مریض نے پھناسی لگا کر خود کشی کر لی ہے، بتایا جا رہا ہے کہ خودکشی کرنے والا شخص اترپردیش کا باشندہ ہے، اسے اسپتال کے کورونا وارڈ میں رکھا گیا تھا۔
یہ واقعہ آج صبح قریب چھ بجے کا بتایا جا رہا ہے، اطلاعات کے مطابق اسے اسپتال کے واش روم میں لٹکا ہوا پایا گیا، اسپتال انتظامیہ اور پولیس اس واقعہ سے حیرت زدہ ہیں۔
جواہر لال نہرو میڈیکل کالج کے پرنسپل ڈاکٹر ویر بہادر سنگھ موقعے پر پہنچے اور حالات کا جائزہ لیا، اس معاملے کی تحقیقات کی جا رہی ہے۔
قیاس آرائیاں ہے کہ نوجوان نے کورونا وائرس کے خوف سے پھانسی لگا کر جان دے دی ہے، ہلاک شدہ نوجوان کی جانچ رپورٹ ابھی آنا باقی ہے۔
آپ کو بتا دیں کہ اس سے قبل بھی اس طرح متعد واقعات سامنے آچکے ہیں، اور کورونا کے متعدد مریضوں نے خود کشی کر لی، ماہرین کا کہنا ہے کہ لوگوں میں کورونا کا خوف اس قدر گھر کر گیا ہے کہ لوگ نفسیاتی مریض کے شکار ہو گئے ہیں۔