ریاست راجستھان کے دارالحکومت جے پور کے شہید اسمارک پر چل رہے غیر معینہ دھرنے کے درمیان آج جمعہ کے روز الگ الگ مذہب کے نوجوانوں کی جانب سے ہندوستان کا نقشہ بنایا گیا۔
ساتھ ہی آئین ہند اور خواتین کے تصویروں میں بھی نقشے بنائے گئے۔ جن پر الگ الگ تحریریں لکھی ہوئی ہیں۔
یہ نقشہ شہید اسمارک کے چاروں سمت بنایا گیا ہے، اتنا ہی نہیں اس ہندوستان کے نقشے میں آرٹسٹ کی جانب سے یہ لکھا گیا کہ 'ہم سبھی ایک ہی ہمیں ایک ہی رہنے دیا جائے'، 'ہم بھارت کے لوگ'، 'بھارتیہ ایکتا کا دھاگا'، 'چوڑیاں لائیں گی انقلاب'۔
بھارت کا نقشہ بناتیں آرٹسٹ مذکورہ آخری تحریر اس بات کی غمازی کر رہی ہے کہ چوڑیوں سے مراد وہ خواتین ہیں جنہوں نے شاہین باغ سمیت ملک کے مختلف شہروں میں سی اے اے، این آرسی و این پی آر کے خلاف مورچہ سنبھال رکھا ہے۔
یہاں پر الگ الگ مذہب کہ لوگوں کی جو ایکتا ہے اس کے بارے میں بھی تصویرں بنائی گئی ہیں۔ اس موقع پر کثیر تعداد میں عام افراد کی موجودگی دیکھی گئی۔
واضح رہے کہ شہید اسمارک پر 31جنوری سے غیر معینہ سی اے اے مخالف احتجاج شروع ہوا ہے۔ آج جمعہ کے روز بھی یہ مظاہرہ مسلسل جاری رہا۔
نقشے کو بنانے والی آرٹسٹ منیشا کا کہنا ہے کی ہم شہید اسمارک کے چاروں جانب ہندوستان کا نقشہ بنا کر یہی پیغام دینا چاہتے ہیں کہ ہندو، مسلم، سیکھ، عیسائی آپس میں سب بھائی بھائی۔ ہم سیکولر انڈیا کی حمایت کرتے ہیں۔
