راجستھان: پولیس کے زیر حراست ملزم کووڈ سینٹر سے فرار

ہنڈون صدر پولیس تھانہ حلقے میں کورونا متاثر، آرمس ایکٹ کے ملزم کو ویمن پولیٹیکل کالج میں بنائے گئے کووڈ کیئر سینٹر میں گزشتہ دنوں کورنٹائن کیا گیا تھا۔

راجستھان میں بھرت پور کے ویمن پولیٹیکل کالج میں بنائے گئے کووڈ سینٹر سے آج صبح ایک ملزم کے فرار ہونے کا معاملہ سامنے آیا ہے۔

موصولہ اطلاعات کے مطابق ہنڈون صدر پولیس تھانہ حلقے میں آرمس ایکٹ کے ملزم کورونا متاثرہ 21 برس کے اشوک مینا کو ویمن پولیٹیکل کالج میں بنائے گئے کووڈ کیئر سینٹر میں گزشتہ دنوں کورنٹائن کیا گیا تھا جو آج علی الصبح بیت الخلاء کے بہانے سلامتی دستوں کو دھوکہ دے کر پائپ کے سہارے کالج کی چھت پر چڑھ کر فرار ہو گیا۔

پولیس انتظامیہ کے ضلع افسر موقع پر پہنچ کر معاملے کی معلومات یکجا کرنے میں سرگرم ہیں لیکن فرار ملزم کا ابھی کوئی سراغ نہیں لگ سکا ہے۔

(یو این آئی)