ریاست راجستھان میں گہلوت حکومت کی جانب سے عالمی وباء کورونا کے بڑھتے قہر کے سبب تمام مذہبی مقامات کو بھی بند کرنے کا فیصلہ کیا گیا تھا، لیکن ایک طویل مدت کے بعد حکومت کی جانب سے ایک ایڈوائزری جاری کی گئی جس میں تمام مذہبی مقامات کو کھولنے کا فیصلہ کیا گیا ہے۔
مذہبی مقامات کو کھولنے کا فیصلہ لیتے ہوئے جو ایڈوائزری حکومت کی جانب سے جاری کی گئی ہےاس ایڈوائزری میں خاص طور پر کورونا گائیڈ لائن پر مکمل پابندی کرنے کی بات کہی گئی ہے۔
مذہبی مقامات کو کھولنے کے فیصلے کے بعد سےجمعرات کے روز دارالحکومت جے پور کی درگاہ پرپہلے جیسی رونق نظر آئی، عقیدتمندوں نے درگاہ پہنچ کر اپنی عقیدت مندی کا اظہار کیا اور راجستھان پولیس کے جوان درگاہ کے باہر اپنی خدمات انجام دیتے ہوئے نظر آئے۔
مزید پڑھیں:
جو زائرین درگاہ آئے ان سبھوں نے چہرے پر ماسک لگا رکھا تھا دارالحکومت جے پور کے چار دروازہ علاقے میں واقع حضرت مولانا ضیاء الدین رحمۃ اللہ علیہ (مولانا صاحب) کی درگاہ کے نائب سجادہ نشین نے بتایا کہ' کورونا وبا کے درمیان جو حکومتی ایڈوائزری جاری کی گئی ہے اس کا مکمل طور پر خیال رکھا گیا۔ نائب سجادہ نشین نے بتایا کہ' اس وبا کے خاتمے کے لیے درگاہ میں خاص دعا کا اہتمام بھی کیا گیا، وہیں کل جمعہ کی نماز بھی راجستھان کی درگاہوں اور مسجدوں میں اجتماعی طور پر نماز ادا کی جائے گی۔