جئے پور کے نہاری کاناک علاقے میں واقع مدینہ مسجد کے باہر لوگوں نے بعد نماز جمعہ سرحدی تنازع میں ہلاک ہونے والے فوجی اہلکاروں کو خراج عقیدت پیش کیا اور چینی صدر شی جن پنگ کا پتلا نذر آتش کرتے ہوئے چین کے خلاف جم کر نعرے بازی کی۔
دوسری جانب مظاہرین سے خواجہ غریب نوازؒ کی شان میں گستاخی کرنے والے متنازع اینکر کے خلاف نعرے بازی کرتے ہوئے اینکر کا پتلا نذر آتش کیا۔
غور طلب ہے کہ گذشتہ دنوں نجی نیوز چینل کے ایک اینکر نے اپنے ٹبیٹ کے دوران خواجہ غریب نواز کی شان میں نازیبا تبصرہ کرتے ہوئے انہیں حملہ آور کہا تھا جس پر خواجہ غریب نواز کے عقیدت مندوں نے غصہ کا اظہار کرتے ہوئے اینکر کے خلاف مقدمہ بھی درج کرایا ہے۔'
اس موقعے پر ہوامحل کانگریس صدر نور محمد نے بتایا کہ گزشتہ تین روز سے نیوز اینکر کے خلاف مسلسل احتجاج ہورہا ہے، لیکن پھر بھی نیوز اینکر کے خلاف کوئی کارروائی عمل میں نہیں لائی گئی ہے۔ اگر اینکر کے خلاف کارروائی نہیں کی گئی تو ہم بڑے پیمانے پر احتجاج کریں گے'۔
انہوں نے بتایا کہ کیا جمعہ کے روز پوری ریاست میں ہماری جانب سے احتجاج کیا جا رہا ہے، ہم یہ مطالبہ کرتے ہیں کہ جلد سے جلد کارروائی کو عمل میں لایا جائے'۔
شاہد قریشی نے بتایا کہ سرحد میں تنازع کی وجہ سے بھارتی جوان کی ہلاکت انتہائی افسوناک ہے جس کے خلاف پورے ملک میں غصہ پایا جارہا ہے۔ ہم وزیراعظم نریندر مودی سے مطالبہ کرتے ہیں کہ چین کو سبق سکھایا جائے۔ جس کے خلاف آج ہم نے یہاں پر چین کے صدر کا پتلا جلایا ہے۔
