اندور: شادی بیاہ سے جڑے کاروباریوں کا احتجاجی مظاہرہ

مدھیہ پردیش کے صنعتی شہر اندور میں ویڈنگ ایسوسی ایشن نے انسانی زنجیر بنا کر پر امن مظاہرہ کیا۔ مظاہرین نے حکومت سے مطالبہ کیا کہ شادیوں میں مہمانوں کی تعداد میں اضافہ کیا جائے تاکہ وہ اپنی کاروباری سرگرمیوں کو بآسانی سے انجام دے سکیں۔

صوبے کا صنعتی شہر اندور جہاں بالی ووڈ کی طرز پر شادیوں کا انعقاد ہوتا ہے مگر اس بار کورونا کے پیش نظر انتظامیہ کی جانب سے نئے گائیڈ لائن جاری کی گئی ہے۔ اس کے سبب یہاں شادیوں میں 50 سے زائد مہمانوں کو مدعو کرنے کی اجازت نہیں ہے۔

اس مسائل کے پیش نظر شادی بیاہ سے جڑے کاروباریوں کا کاروبار متاثر ہو رہا ہے جس کے سبب ویڈنگ ایسوسی ایشن نے پرامن طریقے سے انسانی زنجیر بنا کر احتجاجی مظاہرہ کیا ایسوسی ایشن کے کارکنان نے اس موقع پر ہاتھوں میں تختیاں لئے کھڑے تھے جس پر ان کے مطالبات درج تھے۔