شہریت ترمیم قانون کے خلاف احتجاج

مدھیہ پردیش کے صنعتی شہر اندور میں عوام نے ہاتھوں میں ترنگا لیکر شہریت ترمیمی قانون اور این آر سی کے خلاف احتجاجی مظاہرہ کیا۔

ریاست مدھیہ پردیش کے صنعتی شہر اندور میں آج مختلف مقامات پر شہریت ترمیم قانون اور این سی آر کو لیکر مظاہرے کیے گئے۔

ان مظاہروں میں تمام مذاہب کے لوگوں نے شرکت کی اور اپنے اظہار خیال بھی پیش کیے اس موقع پر عوام اپنے ہاتھوں میں ترنگا اور آئین کے بچانے کے لیے نعرے بھی بلند کر رہے تھے۔

اس احتجاجی مظایرے میں شریک معزز شخصیتوں نے خطاب کیا اور کہا کی مسلمانوں کو اس وقت ہوشمندی سے کام لینا چاہیے یہ قانون عام لوگوں کے خلاف ہے جس کی وجہ سے بڑی دشواریوں کا سامنا کرنا پڑے گا۔ ہم حکومت سے مطالبہ کرتے ہیں کی اس قانون کو فورا واپس لیا جائے اور اگر یہ قانون واپس نہیں لیا جاتا ہے تو ہمارا احتجاج مسلسل جاری رہے گا۔