مدھیہ پردیش کے صنعتی شہر اندور میں اسلامک نئے سال کے آغاز کے ساتھ ہی تعزیہ داری اور اکھاڑے کی تقریب فاتحہ خوانی کی گئی۔
اندور میں محرم الحرم کا چاند نظر آنے کے بعد ہی ہر سال تعزیہ داری اور اکھاڑے کی چوکیوں کی تقریبات کا جلوس زبردست طریقے سے نکالے جانے کا رواج ہے لیکن کورونا وبا کی وجہ سے انتظامیہ نے سخت گائیڈ لائن پر عمل کرنے کا اعلان کر رکھا ہے۔
آج محرم الحرام کا چاند نظر آنے کے بعد تعزیہ داری کی چوکیوں کی تقریب فاتحہ خانی میں مختصر سے لوگوں نے شرکت کی اور علاقے کے اکھاڑے چوکی کی تقریبات میں بھی کم ہی لوگ شریک ہو پائے۔
اسلامک نئے سال کے آغاز پر جہاں عقیدت مند کورونا وبا کی وجہ سے مایوس ہیں۔ وہیں دعا بھی کر رہے ہیں کہ وبا جلد سے جلد ختم ہو جائے۔ اندور میں تعزیہ داری اور اکھاڑے کی تقریبات کا اہتمام آزادی سے قبل کیا جا رہا ہے جہاں علاقے کے لوگوں کے ساتھ ساتھ سبھی مذاہب کے لوگ بڑی عقیدت اور محبت کے ساتھ دس روز تعزیہ داری پر اپنی حاضری دیتے ہیں۔