اندور: جے سی بی نے خاتون کو روندا

فٹ پاتھ پر سورہی ایک خاتون کے دونوں پیروں پر جے سی بی چڑھ گئی۔

مدھیہ پردیش کے شہر اندور کے چندن نگر تھانہ علاقے میں فٹ پاتھ پر سو رہی ایک خاتون کے دونوں پیروں پر جے سی بی چڑھ گئی جس سے وہ شدید طورپر زخمی ہوگئی۔

پولیس ذرائع نے بتایا کہ اس درد ناک حادثے میں 55 سالہ تارہ بائی کے دونوں پیر بری طرح کچل کر زخمی ہوگئے ہیں۔ اس کا علاج یہاں کے سرکاری اسپتال میں جاری ہے۔ حادثے کے وقت خاتون فٹ پاتھ پر سورہی تھی۔ پولیس نے معاملہ درج کرکے نامعلوم ملزم کی تلاش شروع کردی ہے۔