کووڈ 19: اندور میں 100 سے زائد افراد صحتیاب

صنعتی شہر اندور کورونا وائرس کا مرکز بنا ہوا ہے، شہر کے سیم ہسپتال میں سب سے زیادہ کورونا وائرس متاثرین زیرعلاج ہیں جبکہ 100 سے زائد لوگ یہاں ہلاک ہو چکے ہیں، گزشتہ روز تقریبا 100 سے زائد لوگ صحتیاب ہوکر گھر لوٹ چکے ہیں۔ گزشتہ 24 کھنٹے میں یہاں ستر سے زیادہ کورونا متاثرین کی تصدیق ہوئی ہے۔

ریاست مدھیہ پردیش کے صنعتی شہر اندور کا سیم ہسپتال جہاں سب سے زیادہ کورونا متاثرین زیر علاج ہیں۔ وہاں سے ایک ساتھ 100 لوگ صحتیاب ہوکر اپنے گھر روانہ ہوئے ہیں۔

صحتیابی کے بعد گھر لوٹتے لوگوں نے ہسپتال کے باہر ڈاکٹرز اور تمام طبی عملے کا پھول برساتے ہوئے شکریہ ادا کیا۔ ہسپتال میں زیر علاج دیگر متاثرین کی حوصلہ افزائی بھی کی۔

ان لوگوں نے خوشی کا اظہار کرتے ہوئے طبی عملہ اور انتظامیہ کا جہاں شکریہ ادا کیا وہیں 'کورونا سے ڈرنا نہیں' کا نعرہ بھی بلند کیا ۔

انھوں نے مزید کہا کہ اگر آپ کرونا سے بچنا چاہتے ہیں تو انتظامیہ کی جانب سے جو ہدایات دی گئی ہے اس پر سختی سے عمل کرنا چاہیے۔

آپ کو بتادیں کہ شہر اندور ریاست مدھیہ پردیش کا واحد ایسا شہر ہے جہاں سب سے زیادہ کورونا وائرس متاثرین ہیں، تقریبا 100 سے زیادہ لوگ یہاں ہلاک بھی ہو چکے ہیں۔

گذشتہ 24 گھنٹوں میں ستر سے زیادہ نئے کرونا وائرس کے کیسز سامنے آئے ہیں صنعتی شہر اندور کا سیم ہسپتال جہاں سب سے زیادہ کورونا وائرس سے متاثر افراد زیر علاج ہیں۔