اندور: سی بی ایس ای امتحانات کا آغاز

مدھیہ پردیش کے صنعتی شہر اندور میں سینٹرل بورڈ آف سکینڈری ایجوکیشن کے دسویں کے امتحانات کا آغاز ہو چکا ہے۔

ان امتحانات میں 1889878 طلبہ و طالبات شریک ہوئے جن میں 788195 لڑکیاں ہیں باقی 1101664 لڑکے ہیں اور 19 ٹرانسجینڈر ہیں۔

غیر ممالک میں چل رہے سی بی ایس ای کے 23844 طلبہ و طالبات اس امتحانات میں شامل ہونگےآج صبح سے ہی امتحانات میں شریک ہونے والے طلباء کو ایگزام سینٹر پر 9:45 تک پہنچنے کا وقت دیا گیا تھا اور 10 بجے کے بعد سینٹر میں داخل ہونے کی اجازت نہیں تھی۔ آج صبح سے ہی طلبہ و طالبات کے والدین اپنے بچوں کو لے کر امتحان سینٹر تک پہنچے۔ ای ٹی وی بھارت کے نمائندے سے بات کرتے ہوئے طلبہ و طالبات کے والدین نے اپنے بچوں کے مستقبل کے لیے نیک خیالات کا اظہار کیا۔