اقلیتوں پر مشتمل بستی میں کپڑوں کی شاندار نمائش

اندور میں اقلیتوں پر مشتمل بستی میں رہنے والی لڑکیوں نے کئی برس کے فیشن ڈیزائننگ کورس کو محض تین ماہ میں مکمل کر لیا، ساتھ ہی اپنی محنت سے انہوں نے کپڑوں کی شاندار نمائش بھی لگائی۔

ریاست مدھیہ پردیش میں منی ممبئی کے نام سے مشہور شہر اندور میں اقلیتی بستی کی لڑکیوں نے کم وقت میں تربیت حاصل کر کے کپڑوں کی بہترین نمائش لگائی ہے۔

صوبہ کا منی ممبئی کہا جانے والا اندور شہر جہاں روز بروز فیشن کے دور بھی بدلتے جاتے ہیں، ایسے میں فیشن ڈیزائننگ کا کورس کسی نامور کالج سے کرنا بڑا ہی مہنگا ثابت ہوتا ہے۔

سنی ویلفیئر کمیٹی کے زیر اہتمام اندور کی چندر بستی کی رہنے والی لڑکیوں کے لئے فیشن ڈیزائننگ کورس کا اہتمام کیا گیا تھا جسے ان لڑکیوں نے تین ماہ میں ہی مکمل کر لیا۔

اندور کی اقلیتی بستی میں رہنے والی لڑکیوں نے سالوں کے فیشن ڈیزائننگ کورس کو محض تین ماہ میں مکمل کرلیا۔ ساتھ ہی اپنی محنت سے انہوں نے کپڑوں کی شاندار نمائش بھی لگا ڈالی۔

سنی ویلفیئر کمیٹی کے تعاون سے اس موقع پر لڑکیوں کی حوصلہ افزائی کے لئے نامور فیشن ڈیزائنر آصف شاہ کو مدعو کیا گیا جنہوں نے لڑکیوں کو فیشن کی باریکیوں سے روبرو کرایا۔