پولیس اہلکار کی علاج کے دوران موت

چند روز قبل دل کا دورہ پڑنے کے بعد پولیس اہلکار کی اسپتال میں علاج کے دوران موت واقع ہو گئی۔

مدھیہ پردیش کے صنعتی شہر اندور میں ہاٹ اسپاٹ پر ڈیوٹی کے دوران ایک پولیس اہلکار کو دل کا دورہ پڑنے کے بعد علاج کے لیے اسپتال پہنچایا گیا جہاں علاج کے دوران اسکی موت واقع ہوئی۔

قابل ذکر ہے کہ صنعتی شہر اندور جہاں کورونا وائرس کے مریضوں میں دن بدن اضافہ ہوتا جا رہا ہے وہاں مرنے والوں کی تعداد بھی بڑھ رہی ہے۔ صحت عملہ اور انتظامیہ وائرس کو مزید پھیلنے سے روکنے کے لیے مسلسل کوشش کر رہے ہیں۔ جہاں صحت عملہ نے فرائض منصبی کو پورا کرنے کے لیے اپنے گھروں تک کو چھوڑ دیا ہے وہیں پولیس بھی پوری مستعدی سے خدمات کو انجام دے رہی ہے۔

ضلع کے سئیؤ گیتا گنج تھانے کے اے ایس آئی کور سنگھ کھرتے لاک ڈاؤن کے بعد مسلسل ڈیوٹی انجام دے رہے تھے، ڈیوٹی کے دوران 24 اپریل کو ان کو دل کا دورہ پڑا تھا۔ جس کے بعد انکا اسپتال میں علاج چل رہا تھا جہاں انہوں نے جمعرات کی صبح آخری سانس لی۔

اس سے قبل بھی جونی اندور تھانہ انچارج دیویندر چند ونشی کی کورونا وائرس سے موت ہو گئی تھی، اس کے علاوہ اجین کے نیل گنگا تھانا انچارچ یشونت پال بھی کورونا وائرس علاج کے دوران اندور میں فوت ہو گئے تھے۔