سونیا گاندھی کی سالگرہ سادگی سے منائی گئی

ریاست مدھیہ پردیش کے صنعتی شہر اندور میں کانگریسی کارکنان نے پارٹی کی قومی صدر سونیا گاندھی کی 74 ویں سالگرہ کو معذور بچوں کے ساتھ منایا۔

پارٹی کارکنان نے قومی صدر سونیا گاندھی کے یوم پیدائش کو بڑی سادگی سے معذور بچوں کے ساتھ کیک کاٹ کر منایا اور ان کی عمر درازی کے لیے دعا کی۔

اس موقعے پر ریاستی نائب صدر چندر پر بھاکر نے کہا کہ 'ہماری رہنما سونیا گاندھی نے کہا تھا کہ آج جس طرح ملک میں خواتین کے حالات ہیں، اس کے پیش نظرہ وہ یوم پیدائش کو نہیں سلیبریٹ کرنا چاہتی ہیں لیکن پارٹی کارکنان نے ان کی سالگرہ کو بطور یادگار معذور بچوں کے ساتھ کیک کاٹ کر کھانا کھلا کر منایا۔'

رکن اسمبلی سنجے شکلا نے کہا کہ 'آج ہماری قوم صدر سونیا گاندھی کی 74 ویں سالگرہ ہے۔ اس موقع پر ہم نے بچوں کو کھانا کھلانے کا اہتمام کیا اور دعا کرتے ہیں کہ وہ اسی طرح ہماری رہنمائی کرتی رہیں۔'

اندرون شہر کانگریس صدر وینا باقلی وال نے کہا کہ 'ہم نے پارٹی صدر کی سالگرہ سادگی سے منائی اور ان کی لمبی عمر کی دعا کی۔'