ٹرک ۔ بس کی بھیانک ٹکر، آٹھ مزدور ہلاک

مزدور ٹرک کے ذریعہ مہاراشٹر سے اپنے گھر اتر پردیش جارہے تھے کہ اسی دوران مدھیہ پردیش کے ضلع گونا میں ایک بس سے ٹکراگیا ،ٹکر اتنی زبردست تھی کہ موقع پر ہی 8 مزدوروں کی دردناک موت ہوگئی،جبکہ 50 افراد زخمی ہوگئے ۔

مدھیہ پردیش کے ضلع گونا میں گزشتہ رات مزدوروں سے بھرا کنٹینر اور بس کے درمیان زبردست تصادم ہوگیا ، تصادم اتنا زبردست تھا کہ موقع پر ہی 8 مزدور ہلاک ہو گئے جبکہ 50 شدید طور پر زخمی ہوگئے ۔

یہ حادثہ اس وقت ہوا جب پھنسے ہوئے مزدور ٹرک کے ذریعہ مہاراشٹر سے اپنے آبائی گھر اترپردیش جارہے تھے کہ اسی دوران مدھیہ پردیش کے ضلع گونا میں ایک بس سے بھیانک ٹکر ہوگئی، ٹکر اتنی زبردست تھی کہ موقع پر ہی چیخ وپکار مچ گئی۔

مدھیہ پردیش میں سڑک حادثہ

جائے وقوع پر مقامی لوگ پہنچے اور راحتی کام شروع کیا۔ جب تک 8 مزدوروں کی موت ہوچکی تھی۔ اس حادثہ میں 50 مزدور بھی زخمی ہوئے ہیں جنہیں مقامی اسپتال میں داخل کرادیا گیا ہے۔

حادثہ کی اطلاع ملنے کے بعد پولیس کے اعلیٰ افسران جائے حادثہ پر پہنچ گئے ہیں اور تحقیقات شروع کردی ہے۔