آئین کے تحفظ کے لیے ایس ڈی پی آئی کوشاں

ریاست مدھیہ پردیش کے صنعتی شہر اندور میں سوشل ڈیموکریٹک پارٹی آف انڈیا کا گیارہواں یوم تاسیس منایا گیا۔

مدھیہ پردیش کا تجارتی دارالحکومت کہا جانے والا شہر اندور ملک میں منی ممبئی کے نام سے جانا اور پہچانا جاتا ہے۔ اس شہر میں جہاں ہر سیاسی پارٹیاں اپنا وجود تلاشتی ہیں، وہی گزشتہ گیارہ برسوں سے سوشل ڈیموکریٹک پارٹی آف انڈیا بھی صنعتی شہر اندور میں کام کر رہی ہے۔ آج یوم تاسیس کے موقع پر کورونا کی وجہ سے پارٹی کی یوم تاسیس دفتر میں ہی منائی گئی، جس میں پارٹی کے ذمہ داران ہیں شریک ہو پائے۔

اس موقع پر سوشل ڈیموکریٹک پارٹی آف انڈیا کے صوبائی جنرل سیکریٹری سلیم انصاری نے کہا کہ آج ملک چیلنجنگ دور سے گزر رہا ہے۔ خاص کر ملک میں فاسی واد اور ڈیکٹیٹرشپ کی چاپ سنائی دے رہی ہے۔

انہوں نے کہا کہ ملک میں اگر عوام کی فکر نہیں کی تو پھر جمہوریت کہاں بچے گی۔ ایس ڈی پی آئی کی کوششیں ہیں کہ لوگوں کی اہمیت بڑھے۔ اگر جمہوریت میں تاناشاہی حاوی ہو جاتی ہے تو جمہوریت بکھر جائے گی۔ آج یہاں عام لوگوں کو نکارا جا رہا ہے۔ ہم ان کی لڑائی لڑنے کو تیار ہیں۔ ملک آج بھٹکے ہوئے راستے پر ہے۔ ہم نے آزادی کے بعد ملک کے لئے جو نظریہ دیکھا تھا اس سے الٹا جانب جا رہا ہے۔

ایس ڈی پی آئی اس نظریے اور آئین کو بچانے کے لیے کھڑی ہوئی ہے۔