جنگل میں خاتون کی لاش برآمد

ریاست اترپردیش کے بجنور تھانہ منڈاور میں ایک نامعلوم خاتون کی لاش برآمد ہوئی۔

بجنور کے تھانہ منڈوار سے متصل رتن پور کے جنگل میں ایک نامعلوم خاتون کی لاش ملنے سے علاقے میں دہشت پھیل گئی۔

پولیس موقع واردات پہنچی۔ اور لاش کو پوسٹ مارٹم کے لیے بھیجا۔ لاش کی شناخت نہیں ہوپائی ہے۔ اس ضمن میں ایس پی بجنور سنجیو تیاگی نے کہا کہ اس واردات کی تحقیقات کے لئے چھے ٹیمز کو تشکیل دیا گیا۔ انھوں نے بتایا کہ بجنورمیں اس طرح کا یہ دوسرا واقعہ ہے۔

انھوں نے کہا کہ چونکہ برآمد شدہ خاتون کی لاش صحیح حالت میں ہے اس لئے اس کی شناخت اور اس سے متعلقہ سراغ آسانی سے حاصل ہوسکتے ہیں۔

نامعلوم لاشوں کے برآمد ہونے پر کئی سوال کھڑے ہورہے ہیں تاہم اس پر پوسٹ مارٹم کی رپورٹ اور پولیس کی تحقیقات کے مکمل ہونے تک کوئی نتیجہ نہیں آسکتا۔