کاکناڈا: خاتون نے بیٹی کے ساتھ خودکشی کی

آندھراپردیش کے کاکناڈا میں ایک خاتون نے اپنی بیٹی کے ساتھ سیلنگ فین سے پھانسی لگا کر خودکشی کرلی ہے۔

پولیس نے بتایا کہ 32سالہ شراوینی نے شنکراپورم کالونی میں واقع اپنے مکان میں اپنی 8 سالہ بیٹی کو پھانسی دینے کے بعد خود بھی سیلنگ فین سے لٹک کرخودکشی کرلی۔

اس خاتون کی شادی 10برس پہلے ایک سافٹ ویر انجینئر سے ہوئی تھی جس کے بعد ان دونوں میں اختلافات پیدا ہو گئے۔ اس کا شوہر امریکہ میں مقیم ہے۔

خود کشی کرنے والی خاتون کے والدین نے کہا کہ آج صبح ماں اور بیٹی دونوں سیلنگ فین پر لٹکے ہوئے پائے گئے۔ پولیس نے اس سلسلہ میں معاملہ درج کرکے لاشوں کو پوسٹ مارٹم کے لیے بھیج دیا۔

یو این آئی