ٹی ایس آر ٹی سی کے مینیجنگ ڈائرکٹر وی سی سجنار اور عملے نے کارپوریشن کی جانب سے اکولا بھارت اور سومیا کو ایک تحفہ پیش کیا، جنہوں نے گزشتہ جمعرات کو اپنی شادی کے لیے آر ٹی سی بس کرایہ پر لی تھی۔ اس فیصلے پر عوام کی جانب سے اچھا ردعمل ظاہر کیا جارہا ہے۔
ٹی ایس آر ٹی سی کو ریاست میں لوگوں کی ہمیشہ پذیرائی حاصل رہی ہے۔ آر ٹی سی کی جانب سے کسانوں کی بھرپور مدد کی جاتی رہی ہے تاہم اب ان کی پیداوار کی حمل و نقل کے لیے کارگو بسیں بھی چلائی جارہی ہیں۔ آر ٹی سی کے مطابق 2020 کے دوران کارگو بسوں کے ذریعہ 5 ہزار ٹن سے زیادہ اناج کو منتقل کیا گیا ہے۔