تلنگانہ: رقص اور ہنگامہ آرائی پر تین نوجوان گرفتار

سالگرہ کے موقع پر تلواروں کے ساتھ رقص اور ہنگامہ آرائی کرنے پر پولیس نے تین نوجوانوں کو گرفتار کرلیا۔

تلنگانہ کے کریم نگر ضلع کے رام نگر علاقہ میں بدھ کی شب یہ گرفتاری ہوئی۔پولیس نے بتایا کہ بی لاون نامی نوجوان کی جانب سے دی گئی سالگرہ کی پارٹی میں تقریبا1500نوجوانوں نے شرکت کی۔بعد ازاں ان نوجوانوں نے سڑک پر نکل کر تلواروں کے ساتھ رقص کیا،پٹاخے جلائے اور ہنگامہ آرائی کی جس سے مقامی افراد خوفزدہ ہوگئے جنہوں نے اس سلسلہ میں پولیس کو اطلاع دی۔
اس اطلاع کے ساتھ ہی پولیس وہاں پہنچی جس نے بعض نوجوانوں کی شناخت کی۔پولیس نے تین نوجوانوں کے خلاف معاملہ درج کرلیا۔اسی دوران کمشنر پولیس کملاسن ریڈی نے انتباہ دیتے ہوئے کہا کہ سالگرہ کی تقاریب میں ہنگامہ آرائی کرتے ہوئے مقامی افراد کو پریشان کرنے والوں کے خلاف سخت کارروائی کی جائے گی۔