حیدرآباد: 3,400 کیلو منشیات کے ساتھ تین گرفتار

حیدرآباد نارکوٹکس کنٹرول بیورو (این سی بی) نے بڑی مقدار میں منشیات ضبطی کے ساتھ تین لوگوں کو گرفتار کیا ہے۔

نارکوٹکس کنٹرول بیورو (این سی بی) نے اتوار کو آؤٹر رنگ روڈ (ORR) حیدرآباد کے نزدیک ایک ٹرک سے 3،400 کلو گانجہ ضبط کیا ہے۔ جس کا تخمینہ 21 کروڑ روپیے ہے۔ اس سلسلہ میں پولیس نے تین افراد کو گرفتار کیا ہے۔

حکام کے مطابق تینوں ملزمین کا تعلق مہاراشٹر سے ہے اور منشیات کو وشاکھا پٹنم (آندھرا پردیش) سے ممبئی اسمگلنگ کے لئے لے جایا جارہا تھا۔

معلوم ہو کہ این سی بی حکام نے رواں سال اب تک 7،500 کلو گانجہ ضبط کیا ہے اور اس سلسلہ میں اب تک 25 افراد کو گرفتار کیا ہے۔