تلنگانہ: سرکاری اراضیات پر غریبوں نے لال جھنڈے لگادیئے

تلنگانہ کے سوریہ پیٹ ضلع چیوملامنڈل میں کوڑاکوڑا ریونیو علاقہ کے حدود کی سرکاری اراضیات پر غریبوں نے جھنڈے لگادیئے۔

سی پی آئی ایم ایل پارٹی کی جانب سے سوریہ پیٹ کے چیوملا منڈل میں احتجاج کیا گیا جبکہ کوڑاکوڑا ریونیو علاقہ کے حدود کی سرکاری اراضیات پر غریبوں نے جھنڈے لگا دیئے۔

سروے نمبر 126 پر یہ سُرخ جھنڈے لگائے گئے۔ اس موقع پر برہم خواتین نے میڈیا سے بات کرتے ہوئے کہا کہ حکومت نے ان کو ڈبل بیڈروم مکانات فراہم کرنے کا وعدہ کیاتھا تاہم وہ اپنے وعدہ کی تکمیل میں ناکام رہی۔ اسی لیے سرکاری اراضیات پرقبضہ کیاگیا۔ انہوں نے غریبوں کو فوری طورپر ڈبل بیڈروم مکانات فراہم کرنے کامطالبہ کیا۔

یو این آئی