'جلد ہی ،پٹنا پرگتی، (شہر کی ترقی) پروگرام شروع ہوگا'

تلنگانہ کے وزیر اعلی کے چندر شیکھر راو نے کہا کہ مواضعات کو صاف اور سرسبز و شاداب بنانے کے مقصد والے پلے پرگتی(گاوں کی ترقی) پروگرام پر مزید بہتر حکمت عملی کے ساتھ عمل کیا جانا چاہئے۔

وزیراعلی نے متعقلہ افسران سے بات کرتے ہوئے کہا کہ روزانہ کی بنیاد پر مواضعات میں سینی ٹیشن کے کام انجام دیے جائیں، انھوں نے کہا کہ وہ جلد ہی اچانک دورے کرئں گے تاکہ پلے پرگتی پروگرامز کا جائزہ لیا جاسکے اور یہ دیکھا جاسکے کہ عہدیداروں اور عوامی نمائندوں نے اپنے فرائض کس طرح انجام دیے ہیں۔ انھوں نے عہدیداروں اور عوامی نمائندوں پر زور دیا کہ اپنے کاموں کو ایماندرای کے ساتھ انجام دیں اور صرف تصویر کشی تک خود کو محدود نہ رکھیں۔
وزیراعلی نے کہا کہ پلے پرگتی پروگرام سے جذبہ حاصل کرتے ہوئے پٹنا پرگتی( شہر کی ترقی) پروگرام جلد ہی شروع کیا جائے گا۔
اس موقع پر وزیر اعلی کے چندر شیکھر را حیدرآباد شہر میں بستی دواخانوں میں اضافے کی ہدایت دی، اور ان دواخانوں مں اضافہ کرتے ہوئے 350 کردیا جائے جو غریبوں کے لیے بہتر خدمات انجام دے رہے ہیں، اس وقت شہر میں 118 بستی داوخانے بہتر طور پر کام کررہے ہیں اور اس کی خدمات سے عوام خوش ہیں۔
وزیر اعلی نے ہدایت دی کہ حیدرآباد کے 150 ڈویزنز میں ہر ڈیویزن میں بستی دواخانہ قائم کیا جائے۔ اور اندرون ایک ماہ میں اسے عوام کے لئے کھولا جائے۔