تلنگانہ: میونسپل الیکشن کے انتخابی نشان جاری

تلنگانہ کے بلدیاتی انتخابات کے لیے ریاستی الیکشن کمیشن نے سیاسی جماعتوں کے امیدواروں کو ان پارٹیوں کے نشان منظور کیے ہیں جبکہ آزاد امیدواروں کے لیے 50 نشانات کو بھی کمیشن نے جاری کیا ہے۔

تلنگانہ میونسپل الیکشن کا اعلامیہ کل جاری ہونے والا ہے، 10 کارپوریشنز 120 بلدیات کے انتخابات ہونے جارہے ہیں، اس ضمن میں الیکشن کمیشن نے قومی سطح پر شناخت حاصل رکھنے والی چار سیاسی جماعتوں میں بی جے پی، سی پی آئی، سی پی ایم، کانگریس کو درج کیا ہے جبکہ ریاستی سطح کی پارٹیز کے طور پر ٹی آر ایس، ٹی ڈی پی، ایم آئی ایم اور وائی سی پی کے نام درج کیے گئے ہیں۔
اس کے علاوہ محفوظ نشانات نہیں رکھنے والی 37 سیاسی جماعتیں ہیں جس میں تلنگانہ جنا سمیتی،جنا سینا،لوک ستا اور دیگر پارٹیز شامل ہیں، اس سلسلے میں کمیشن نے 50 نشانات کو متعارف کیا ہے، جس میں ایر کنڈیشن،سیب،چوڑیاں،بیٹ،بیاٹری ٹارچ، اور دیگر نشانات فہرست میں درج ہیں جو آزاد امیداروں اور نشان نہیں رکھنے والی جماعتوں کے امیدواروں کو منظور کیے جائیں گے۔