تلنگانہ کے وزیر اعلیٰ چندر شیکھر راؤ کا پتلا نذرآتش

حیدرآباد شہر کے عثمان نگر میں بارش کا پانی جمع ہونے سے لوگوں کو مشکلات کا سامنا کرنا پڑ رہا ہے۔ کانگریس رہنما عظمی شاکر نے اس سلسلے میں وزیر اعلی چندر شکیھر راؤ کی ارتھی نکال کر نذرآتش کیا۔

حیدرآباد کے مضافاتی علاقے عثمان نگر میں گذشتہ سال طوفانی بارش کے سبب کافی نقصان پہنچا تھا۔ گزشتہ 15 ماہ سے عثمان نگر کے 12 سو مکانات میں پانی موجود ہے۔

اس ضمن میں کانگرس پارٹی کی رہنما عظمیٰ شاکر نے تلنگانہ کے وزیر اعلیٰ کے چندر شیکھر راؤ کی ارتھی کا جلوس نکال کر اس کو نذر آتش کیا۔

عظمیٰ شاکر نے کہا کہ حکومت گذشتہ 15 ماہ سے عثمان نگر کی مکانات میں داخل پانی کی نکاسی نہیں کرسکی ہے۔ اس سے گھروں کے سامان کو کافی نقصان پہنچا ہے اور لوگ اپنے مکانات چھوڑ کر کرائے کے مکانات میں رہ رہے ہیں۔