خودکشی کی کوشش میں جھلسے پولیس اہلکار کی موت

حیدرآباد کےایک پولیس اسٹیشن کے سامنے پٹرول چھڑک کر اقدام خود کشی کرنے والے اسسٹنٹ سب انسپکٹر کی موت ہوگئی۔

مانچال پولیس اسٹیشن سے وابستہ نرسمھا نامی اے ایس آئی نے گزشتہ ماہ کے اواخر میں بالا پور پولیس اسٹیشن کے سامنے پٹرول چھڑک کر آگ لگا لی تھی، ساتھی ملازمین نے فوری آگ بجھاتے ہوئے اسے قریب میں واقع اپولو ڈی آر ڈی او اسپتال پہنچایا تھا، جہاں آج وہ زخموں سے جانبر نہ ہوسکا۔
اطلاعات کے مطابق نرسمہا کا ایک کانسٹبل سے جھگڑے کے بعد بالاپور سے مانچال پولیس اسٹیشن تبادلہ کردیا گیا تھا، تبادلہ سے پریشان اور اعلی عہدیداروں تک جھگڑے کی اطلاع پہنچنے پردلبرداشتہ ہوکر نرسمہا نے یہ انتہائی اقدام کیا تھا۔ اس ضمن میں مزید تحقیقات جاری ہے۔