دسہرہ اور بتکماں تہوارکے موقع پر خصوصی بسز

دسہرہ تہوار کے موقع پر مسافرین کی کثیر تعداد میں حمل ونقل کے پیش نظر تلنگانہ آر ٹی سی نے چار ہزار 933 خصوصی بسز چلانے کا فیصلہ کیا ہے۔

دسہرہ اور بتکماں تہوار کے موقع پر اپنے اپنے آبائی مقامات کو لوگ واپس ہوتے ہیں،اس سلسلہ میں رنگا ریڈی ریجنل مینیجر ورا پرساد نے کہا کہ خصوصی بسز اس ماہ کی 27 تاریخ سے اگلے ماہ کی آٹھ تاریخ تک چلائی جائیں گیں۔
حیدرآباد کے مختلف بس اسٹیشنز سے یہ خصوصی بسز تلنگانہ اور آندھراپردیش کے مختلف مقامات کے لیے روانہ ہوں گیں، ایم جی بی ایس، سی بی ایس، جوبلی بس اسٹیشن سے بسز روانہ ہوں گیں۔
چار ہزار 933 میں سے 964 بسز آندھرا کے لیے روانہ ہوں گیں، باقی تلنگانہ کے علاقوں میں چلیں گیں، اور اس خصوصی سروس کے لیے مسافروں سے زائد چارج لیا جائے گا۔