تلنگانہ: تعطیلات کے بعد اسکولز کا آغاز

ریاست تلنگانہ میں دسہرہ کی تعطیلات کے اختتام کے بعد پیر کے روز (آج) سے اسکولز شروع ہونے جارہے ہیں۔

ٹی ایس آر ٹی سی کی ہڑتال کی وجہ سے تعطیلات میں توسیع کی گئی تھی، مگر ہڑتال ابھی جاری ہے، اس ضمن میں طلبا اور اساتذہ نے برہمی کا اظہار کرتے ہوئے کہا کہ بسز کے بند رہنے کی وجہ سے انھیں مشکلات کا سامنا کرنا پڑ رہا ہے اور اس حالت میں ان کا اسکول پہنچنا دشوار ہے۔
انھوں نے سوال کیا کہ اس طرح اگر بسزکی ہڑتال جاری رہی تو وہ اپنے مقامات سے اسکول کیسے پہنچیں گے، جبکہ 25 اکتوبر سے طلبا کے ،سمیٹیو اسسمینٹ، امتحانات منعقد ہونے جارہے ہیں۔
اور ایسے میں طلبا کی مشکلات میں مزید اضافہ ہوسکتا ہے۔
بتایا گیا کہ ضلع رنگا ریڈی،وقارآباد اور میڈچل سے آنے والے ٹیچرس جو روزانہ آر ٹی سی بسز سے سفر کیا کرتے تھے ،بسز نہیں چلنے کی وجہ سے وہ عارضی طور پر حیدرآباد منتقل ہوئے ہیں۔