Road Accident in Telangana: تلنگانہ میں سڑک حادثہ، تین افراد ہلاک

تلنگانہ کے ضلع سنگاریڈی کے علاقہ پٹن چیرو میں پیش آئے سڑک حادثہ میں تین افراد ہلاک ہوگئے۔

پولیس کے مطابق مغربی بنگال سے تعلق رکھنے والے 20 سالہ آشیش موجیندر، شیوناتھ اور گول دیپ بہادر، پٹن چیرو منڈل کے چٹکور دیہات سے ٹو وہیلر پر بیرم گوڑہ روانہ ہوئے۔ اسی دوران امین پور منڈل کے کرشناریڈی پیٹ کے رہنے والے 21 سالہ شیوا اور 21 سالہ اجیت، اپنی بائیک پر پٹن چیرو سے روانہ ہوئے۔ ان نوجوانوں کی بائیکس ایک دوسرے سے متصادم ہوگئیں۔

اس حادثہ میں آشیش، شیوا اور اجیت شدید زخمی ہوگئے۔ ان زخمیوں کو علاج کے لئے اسپتال منتقل کیاگیا، جہاں علاج کے دوران ان تینوں کی موت ہوگئی۔ اس سلسلہ میں پولیس نے ایک معاملہ درج کرکے جانچ شروع کردی۔

یواین آئی