پی وی سندھو کا شاندار استقبال

بیڈمنٹن کی عالمی چیمپیئن پی وی سندھو منگل کے روز حیدرآباد پہنچ گئی ہیں۔ جہاں ان کا بڑے پیمانہ پر استقبال کیا گیا۔

اس موقع پر انہوں نے میڈیا سے بات کرتے ہوئے فائنل میں جیت اور اس کے پس منظر سے متعلق تیاریوں کی تفصیل بتائی۔
سندھو نے کہا کہ انہوں نے دباو میں بالکل نہیں کھیلا اور میچ سے قبل خود کو پر سکون رکھا۔
سندھو نے کہا کہ چونکہ وہ اس سے پہلے دو بار فائنلز میں ہار چکی تھیں، اس لیے انہوں نے اس فائنل کو کوارٹرز اور سیمیز تصور کرتے ہوئے کھیلا۔

اس موقع پر انہوں نے ایک سوال کے جواب میں کہا کہ اب چونکہ وہ حیدرآباد پہنچی ہیں، اپنی جیت پر خوشی اور جشن منائیں گی۔سندھو کے کوچ گوپی چند نے کہا کہ 'سندھو جسمانی طور پر ایک دم فٹ تھیں اور انہوں نے خود کو پر سکون رکھتے ہوئے کھیلا اور میچ میں شروع سے ہی غالب رہیں۔'