ایچ سی یو کے طلبا کو پولیس نے حراست میں لیا

شہریت ترمیمی قانون کے خلاف حیدرآباد کے نمائش میدان میں منعقدہ جلسہ عام میں شرکت کے لیے جانے والے تقریباً سو طلباء کو پولیس نے حراست میں لے لیا۔

حیدرآباد سنٹرل یونیورسٹی کے طلباء جلسے میں شرکت کی غرض سے جلسہ گاہ روانہ ہونے کے لیے یونیورسٹی سے بس میں سوار ہوئے، بس کے نکلتے ہی پولیس کی گاڑیوں نے انہیں گھیرے میں لے لیا۔

طلباء اس بات سے انجان تھے کہ پولیس انہیں جلسہ گاہ جانے سے روکنے کے ارادے سے آئی ہے،طلبا کو انہیں ہراست میں لینے کی خبر تب ہوئی جب پولیس نے ان کی بس کو نہرو آؤٹر رنگ روڈ پر لے جانے پر مجبور کیا۔

پولیس کی اس حرکت سے طلباء میں شدید غم وغصہ پایا جاتا ہے۔اطلاعات کے مطابق طلباء کی بس کا رخ فی الحال ضلع وقارآباد کی جانب ہے۔ مزید تفصیلات کا انتطار ہے۔