حیدرآباد انکاونٹر کی سوشل میڈیا پر ستائش

وٹرنری ڈاکٹر کی جنسی زیادتی کے چاروں ملزمین کی پولیس انکاؤنٹر کے دوران ہلاکت کے بعد سوشل میڈیا پرحیدرآباد پولیس کی ستائش کی جارہی ہے۔

ملک بھر میں سنسنی پھیلادینے والے حیدرآباد میں وٹرنری ڈاکٹر کی اجتماعی جنسی زیادتی، قتل اور لاش کو زندہ جلادینے والے واقعہ میں ملوث ملزمین کی انکاونٹر میں ہلاکت کی خبر پر سماجی رابطہ کے ذرائع واٹس ایپ،ٹوئیٹر اور دیگر پر مسرت کا اظہار کیاجارہا ہے۔

اجتماعی جنسی زیادتی اور قتل کے بعد لاش کو جلادینے والی واردات کے بعد پولیس پر نکتہ چینی کرنے والے افراد نے پولیس کے تئیں رویہ بدلا ہےاور اب سوشیل میڈیا پرتلنگانہ کی سائبرآبادپولیس کی ستائش کی جارہی ہے۔

سائبر آباد پولیس کمشنر سنجار کی سوشیل میڈیا پر کئی افراد نے ستائش کی ہے۔اس انکاونٹر پر کئی لڑکیوں نے مسرت کا اظہار بھی کیاہے۔