حیدرآباد: 19 اکتوبر سے اوبیر، اولا کی ہڑتال

حیدرآباد اوبیر، اولا ٹیکسیز کی جوائنٹ ایکشن کمیٹی نے اپنے مطالبات کے سلسلے میں 19 اکتوبر سے غیر معینہ مدت کی ہڑتال کا اعلان کیا ہے۔

ریاست تلنگانہ میں ایک طرف آر ٹی سی کی ہڑتال 14 ویں دن میں داخل ہوگئی اور اس مسئلہ پر ملازمین دن بہ دن احتجاج میں شدت اختیار کررہے ہیں تو دوسری جانب حکومت نے بھی سخت موقف اپناتے ہوئے کسی قسم کی بات چیت سے انکار کردیا ہے۔

ان حالات میں حیدرآباد کی عوام کومزید مشلات کا سامنا کرنا پڑسکتا ہے کیونکہ، اوبیر ،اولا ٹیکسی کی جوائنت ایکشن کمیٹی نے 19 اکتوبر سے ہڑتال شروع کا اعلان کیا ہے۔

تلنگانہ ٹیکسی ڈرائور جے اے سی چیرمین شیخ صلاح الدین نے کہا کہ آئی ٹی کمپنیز میں خدمات انجام دینے والی 50 ہزار اوبیر اولا کیابز ڈرائورز اس ہڑتال میں حصہ لیں گے۔

اوبیر اولا جے اےسی کے درج ذیل مطالبات ہیں۔
کلو میٹر پر کم ازکم 22 روپئے کرایہ طئے کیا جائے، آئی ٹی کمپنیز میں کام کرنے والے ڈرائورز کو جی او 61 ،66 پر عمل کرتے ہوئے راحت فراہم کی جائے ،ڈرائیورز کے خلاف ہونے والے حملوں کی جواب دہی طئے کی جائے اور ڈرائورز ویلفیئر بورڈ کے قیام کا بھی انھوں نے مطالبہ کیا۔