اغوا کے بعد ٹی آر ایس رہنما کا قتل

ریاست تلنگانہ میں ممنوعہ ماؤنوازوں کی جانب سے اغوا کئے گئے ٹی آر ایس رہنما سرینواس کو ہلاک کردیئے جانے کی اطلاعات موصول ہو رہی ہیں۔

اطلاعات کے مطابق 8 جولائی کی شب تلنگانہ راشٹرا سمیتی کے رہنما و سابق ایم پی ٹی سی سرینواس راؤ کو ماؤنوازوں نے بھدرادری کتہ گوڑم سے اغوا کرنے کے بعد ہلاک کردیا۔

ایرم پاڑو اور پٹاڑو موضع کے درمیان سنسان علاقہ میں آج سرینواس راؤ کی خون میں لت پت نعش دستیاب ہوئی۔نعش کے قریب ماؤنوازوں نے ایک چھٹی چھوڑی جس میں سرینواس کو پولیس کا مخبر بتایا گیا۔واضح رہے کہ دو دن قبل رات دیر گئے تقریباً 15 ماؤنوازوں نے سرینواس راؤ کو ان کے مکان سے زبردستی اپنے ساتھ لے گئے تھے۔