گذشتہ روز 13 افراد کی اس سے موت ہوئی تھی جس کے بعد ریاست میں کورونا سے مرنے والوں کی تعداد 589 تک جا پہنچی۔
محکمہ صحت عامہ و خاندانی بہبود کے ڈائرکٹر کے ذریعہ جاری کردہ بلیٹن کے مطابق جمعرات کو ریاست میں کورونا کے معاملات 73,050 ہوگئے ہیں۔ تقریبا 1289 افراد روبہ صحت ہوگئے ہیں جن کو تلنگانہ کے مختلف اسپتالوں سے گھروں کو جانے کی اجازت دے دی گئی ہے۔
اس طرح ریاست میں کورونا سے روبہ صحت ہونے والوں کی تعداد 52,103 ہوگئی ہے۔ عہدیداروں نے بتایا کہ ریاست میں کورونا کے سرگرم معاملات کی تعداد 20,358 ہے۔
محکمہ صحت کے حکام نے 21,346 معائنے کروائے اور ریاست میں مجموعی طور پر 5,43,489 معائنے اب تک کروائے گئے۔ عہدیداروں نے کہا کہ ان معائنوں میں سے 1550 معائنوں کے نتائج جاری کئے گئے۔
بلیٹن کے مطابق جی ایچ ایم سی حدود میں 535، رنگاریڈی ضلع میں 126، میڑچل ملکاجگری ضلع میں 126، کریم نگر ضلع میں 123، ورنگل اربن ضلع میں 128، رنگاریڈی ضلع میں 101 نئے معاملات گذشتہ 24 گھنٹوں کے دوران درج کئے گئے۔
اسی دوران آندھرا پردیش میں بھی کورونا کے معاملات جاری کئے گئے ہیں۔ گذشتہ 24 گھنٹوں کے دوران 10,128 نئے معاملات درج کئے گئے اور77 اموات ہوئیں۔ یہ اموات کی تعداد اب تک کی سب سے زیادہ تعداد ہے جن کی کورونا سے ایک ہی دن میں اموات ہوئی ہیں۔