تلنگانہ کے یادادری بھونگیر کی فیکٹری میں بڑے پیمانہ پر آتشزدگی

تلنگانہ کے یادادری بھونگیر ضلع کے دھرموجی گوڑم علاقہ کی ایک ایگرو کمیکلس فیکٹری میں بڑے پیمانہ پر آگ لگنے کا واقعہ پیش آیا۔

بھونگیر کی ایگرو کمیکلس فیکٹری آتشزدگی کا واقعہ اُس وقت پیش آیا جب کمپنی کے شیڈ میں تعمیراتی کام جاری تھا۔ ورکرس،آگ کے شعلوں کو دیکھ کر بھاگ کھڑے ہوئے۔

اس واقعہ میں کسی بھی جانی نقصان یا پھر کسی کے جھلسنے کی کوئی اطلاع نہیں ملی ہے۔آگ لگنے کے واقعہ کی اطلاع فائربریگیڈس کے اہلکاروں کو دی گئی جس کے بعد یہ اہلکار وہاں پہنچے اور کافی جدوجہد کے بعد آگ پر قابو پایا۔ پولیس نے فیکٹری کا معائنہ کیا اور ایک معاملہ درج کرکے جانچ شروع کردی۔مالی نقصان کا تخمینہ ہنوز نہیں لگایاگیا ہے۔

یو این آئی