مساجد منہدم کرنے پر علماء برہم

حیدرآباد کے سکریٹریٹ میں مساجد کو منہدم کرنے کے خلاف علماء اور عوام نے سخت برہمی کا اظہار کیا ہے۔

ریاست تلنگانہ کے دارالحکومت حیدرآباد کے سکریٹریٹ میں مسجد کو منہدم کرنے کے تعلق سے مولانا محمد حسام الدین ثانی جعفر پاشاہ امیر امارات ملت اسلامیہ و خطیب جامع مسجد دارالشفاء نے بعد نماز جمعہ میڈیا سے بات کرتے ہوئے سکریٹریٹ میں نقصان و منہدم کی گئی مساجد پر شدید غم و غصہ کا اظہار کیا اور اس حرکت کی سخت مذمت کی۔

انہوں نے وزیر اعلی تلنگانہ سے مطالبہ کیا کہ وہ موجودہ زمینی حقائق سے واقفیت کیلئے علماء و مشائخین و دیگر افراد پر مشتمل وفد کو معائنے کی اجازت دیں، تاکہ اس تعلق سے مسلمانوں میں پائی جانے والی بے چینی کو دور کیا جاسکے۔