کے ٹی آر نے پی وی این آر ایکسپریس وے ریمپس کا افتتاح کیا

تلنگانہ کے وزیر بلدی نظم ونسق کے تارک راما راو نے پی وی این آر ایکسپریس وے ریمپس کا اُپر پلی میں افتتاح کیا۔

حیدرآباد میں راجیو گاندھی انٹرنیشنل ایرپورٹ سے آتے ہوئے پی وی این آرایکسپریس وے کا استعمال کرتے ہوئے ہائی ٹیک سٹی کی سمت جانے والے اب اُپرپلی سے ٹولی چوکی، آئی ٹی راہداری اور دیگر علاقوں تک جاسکتے ہیں۔

اسی طرح دوسرا ریمپ اُپر پلی پر بنایاگیا ہے۔ عوام پی وی این آر ایکسپریس وے کا استعمال کرتے ہوئے ایرپورٹ پہنچ سکتے ہیں۔ان ریمپس سے انر روڈ بالخصوص راجندرنگر، اُپرپلی، بدویل وغیرہ پر ٹریفک میں کمی کی جاسکتی ہے۔ یہ ریمپس 22.08کروڑ روپئے کے صرفہ سے تعمیر کئے گئے ہیں اور اس پروجیکٹ کی تکمیل حیدرآباد میڑوپولیٹن ڈیولپمنٹ اتھاریٹی (حمڈا)کی جانب سے کی گئی ہے۔