کشمیری پنڈتوں کی وادی میں بازآبادکاری کا تیقن

حیدرآباد میں کشمیر کے خصوصی موقف دفعہ تین سو ستر کی برخواستگی کی حمایت میں ایک سمینار منعقد کیا گیا جس میں مرکزی مملکتی وزیر داخلہ کشن ریڈی نے شرکت کی۔

اس موقع پر مذکورہ وزیر نے خطاب کرتے ہوئے کہا کہ 'آرٹیکل 370 کو ختم کرنے کا اقدام تب تک ادھورا ہے جب تک کشمیری پنڈتوں کو وہاں دوبارہ بسایا نہیں جاتا'۔

انھوں نے کہا کہ حکومت کشمیری پنڈتوں کی وادی میں باز آبادکاری کے عہد کی پابند ہے'۔انھوں نے دعوی کیا کہ اب کشمیر ترقی کی سمت بڑھے گا، اور وہاں ترقیاتی کام انجام دئے جائیں گے۔حیدرآباد میں مقیم کشمیری پنڈتوں نے اس سمینار میں شرکت کی، اس موقع پر کشمیر ہندو مہاسبھا تنظیم کے صدر سنیل نے کہا کہ 'اب کشمیری پنڈتوں میں ایک امید جگی ہے،آرٹیکل 370 کے ختم ہونے کے بعد ان کی کشمیر واپسی ممکن نظر آرہی ہے،انھوں نے کہا کہ حکومت نے ایک موقع فراہم کیا ہے'۔ اس موقع پر انھوں نے کہاکہ 'کشمیری پنڈتوں کو بےگھر اور ان پر ظلم کرنے والوں کو سزا دینے پر ہی مکمل انصاف ملے گا'۔