کرناٹک کے عازمین حج حیدرآباد سے روانہ ہوں گے

ریاست کرناٹک سے تعلق رکھنے والے 423 عازمین حج حیدرآباد میں واقع تلنگانہ حج کمیٹی پہنچے جہاں سے آج وہ شمس آباد ایئرپورٹ سے حج کیلئے روانہ ہوں گے۔

تلنگانہ حج ہاؤز سے حج کیلئے روانہ ہونے والے کرناٹک کے عازمین کے قافلوں کی آمد کا سلسلہ جاری ہے۔ عازمین نے ای ٹی وی بھارت سے حج ہاؤز کے انتظامات سے متعلق اطمینان کا اظہار کیا۔

تلنگانہ حج کمیٹی کی جانب سے عازمین کے قیام و طعام کے علاوہ دیگر تمام سہولیات مہیا کرائی گئی ہیں۔ تلنگانہ حج کمیٹی کے صدر مسیح اللہ خان نے ای ٹی وی بھارت سے بات چیت کے دوران کہا کہ کرناٹک کے عازمین آج روانہ ہوں گے جبکہ عازمین کی روانگی کا باقاعدہ آغاز 26 جولائی سے ہوگا۔ انہوں نے مزید کہا کہ ریاستی حج کمیٹی نے قبل از وقت تمام انتظامات مکمل کر لیے ہیں۔