وزیراعظم نریندر مودی کی جنتا کرفیو کی اپیل کو حیدرآبادیوں نے مکمل طور پر مانا اور آج اپنے آپ کو گھروں تک محدود رکھا۔ ملک میں صحت کی ایمرجنسی میں حکومت کے شانہ بشانہ چلتے ہوئے خطرناک کورونا وائرس کے لئے کئے جانے والے احتیاط اور اقدامات میں مکمل تعاون کا پیغام دیا۔
حیدرآباد میں جنتا کرفیو، مکمل بند
صبح سے ہی سڑکیں سنسان ہوگئیں۔ تمام تجارتی ادارے، دفاتر وغیرہ رضاکارانہ طور پر بند رکھے گئے۔ جگہ جگہ پولیس پکٹس تعینات کی گئی تھیں اور صرف انتہائی ضروری کام کے لئے گھروں سے نکلنے والوں کو ہی آگے بڑھنے دیا گیا۔