حیدرآباد: جمیعت علماء ہند کی جانب سے سیلاب متأثرین کی امداد

جمعیت علماء ہند کی ریاستی شاخ تلنگانہ و آندھرا پردیش کی جانب سے عثمان نگر کے سیلاب متاثرین کے درمیان بطور امداد کے ٹھیلے اور سبزیاں تقسیم کیے گئے۔

جمعیت علماء ہند کی طرف سے ہمیشہ راحت رسانی کا کام جاری رہتا ہے، اسی ضمن میں گزشتہ برس حیدرآباد میں سیلاب سے متاثر ہونے والے افراد اور بے روز گار لوگوں کو روزگار سے جوڑنے کے لیے راستی شاخ (تلنگانہ و آندراپردیش) کی جانب سے ایک نئی پہل کی گئی ہے۔

اسی ضمن میں جمعیت علماء تلنگانہ و آندھرا پردیش کے صدر حافظ پیر شبیر احمد کی صدارت میں عثمان نگر کے متعدد بے روزگار افراد اور ضرورت مندوں کے درمیان سبزیاں اور ضروری اشیا کو فروخت کرنے کے لیے متعدد ٹھیلے بھی تقسیم کیے گئے۔

واضح رہے کہ ریاست تلنگانہ میں گزشتہ برس اکتوبر ماہ میں ریاست میں شدید بارش کے سبب متعدد علاقوں میں بارش کا پانی مہینوں جمع رہا جس کی وجہ سے ہزاروں مکان تباہ و برباد ہوگئے تھے۔

حیدرآباد کا ایک علاقہ عثمان نگر میں چار ماہ تک بارش کا پانی جمع ہوا تھا جس سے وہاں کے لوگ معاشی طور پر کافی زیادہ پریشان تھے۔