تیلگو سنیما کے مشہور اداکار نرسنگھ یادو کا انتقال

تیلگو سنیما انڈسٹری کے مشہور اور سینیئر اداکار نرسنگھ یادو کا ایک نجی اسپتال میں علاج کے دوران جمعرات کی رات کو یہاں انتقال ہو گیا۔ وہ 52 برس کے تھے اور ان کے اہل خانہ میں بیوی چترا دیوی اور ایک بیٹا ہیں۔

نرسنگھ یادو گردے سمیت کئی دیگر بیماریوں سے متاثر تھے اور ایک نجی اسپتال میں علاج کے دوران آج ان کا انتقال ہو گیا۔ مشہور اداکار اپریل 2020 میں اسپتال میں داخل ہوئے تھے۔

سنہ 1979 میں آئی ہیمساہلو مووی کے ساتھ سلور اسکرین پر اپنی شناخت بنانے والے نرسگنھ نے ماس، پوکیتی، قیدی نمبر 50، نُوّوستننتے نینوڈدنتا، گایم، یمادونگا، چھاترپتی، شنکر دادا ایم بی بی ایس، لکشمی اور ٹیگور سمیت 300 سے زائد فلموں میں اداکاری کی۔ انہوں نے تمل اور ہندی فلموں میں بھی کام کیا تھا۔

یو این آئی